Nëse keni menduar se kafeina është armik kur bëhet fjalë për lëkurën tuaj, ka disa këshilla nga dermatologët që mund t’ju habisin. Trupi dhe pamja e shëndetshme ka të bëjë me konsumin dhe kujdesin e ekuilibruar dhe profesionistët mund t’ju ndihmojë ta kuptoni këtë më mirë.
Më poshtë, ju sjellim disa këshilla për t’ju ndihmuar të keni sy më të shndritshëm.
Kujdes me pijet
Pirja e pijeve me kafeinë në fakt nuk shkakton humbje të lëngjeve dhe dehidrim. Megjithatë, ato mund të kenë një efekt të butë diuretik. Nëse keni frikë se kafeja mund t’ju dehidratojë dhe se ndikon në cilësinë e lëkurës rreth syve, nuk është ky problemi.
Përveç kësaj, kafeina është një vazokonstriktor dhe mund të tkurr enët e gjakut që rrethojnë zonën e syve duke reduktuar shfaqjen e ënjtjes dhe lodhjes. Mund ta aplikoni edhe në fytyrën tuaj. Megjithatë, pijet me kafeinë mund të shkaktojnë dhimbje koke dhe pagjumësi te disa njerëz, prandaj bëni kujdes me pirjen e më shumë se 4 filxhanëve kafe në ditë.
Përdorni retinol dhe niacinamide
Niacinamidi është një antioksidant që ndihmon në reduktimin e skuqjes dhe hiperpigmentimit dhe qetëson lëkurën e përflakur. Shumë shpesh i shtohet produkteve me retinol për të dyfishuar efektin. Prandaj, kushtojini vëmendje produkteve të kujdesit të lëkurës me këto elemente, shkruan Bright Side, përcjell KosovaPress
Përdorni maska me kafeinë
Mund të aplikoni kafe të bluar ose të përdorni maska me kafe të çastit për të reduktuar ënjtjen, lodhjen dhe lëkurën e errët. Thjesht mos e përdorni çdo ditë që të mos e teproni. Kafeina gjithashtu përmban aminoacide, të cilat mund të nxisin prodhimin e kolagjenit të lëkurës suaj.
Kombinoni serum me acid hialuronik dhe krem retinol
Rrathët e errët mund të shkaktohen nga lëkura e hollë ose e hapur. Ju mund të provoni, sipas një eksperti, një qasje të dyanshme ndaj trajtimit. Thjesht kombinoni një serum me acid hialuronik dhe krem retinol për të ngopur dhe forcuar lëkurën e zonës nën sy.
Shtoni avokado shtesë në mëngjesin tuaj
Mos e privoni trupin tuaj nga yndyrat natyrale. Ngrënia e gjërave si avokado, salmoni, djathi dhe produkte të tjera të qumështit mund t’ju ndihmojnë të mbani membranat qelizore të shëndetshme, të cilat do të mbajnë ujë dhe lëndë ushqyese. Për shembull, shtoni avokado shtesë në mëngjesin tuaj.
Kontrolloni pozicionin e kokës gjatë gjumit
Merrni jastëkun e duhur që nuk do të jetë shumë i ulët për ju. Nëse qëndroni shtrirë gjatë gjithë natës, lëngu mund të grumbullohet nën qepallat tuaja. Mund të shkaktojë fryrje dhe pamje të lodhur.
Shmangni produktet e kujdesit të lëkurës me aroma
Rrathët e errët mund të shfaqen për shkak të acarimit të vazhdueshëm për shkak të astmës, për shembull. Nëse mendoni se është kështu, një ekspert rekomandon përdorimin e një kremi me hidrokortizon 1% dy herë në ditë dhe shmangien e produkteve me aromë për kujdesin e lëkurës. Gjithashtu, vendosni syze me dritë blu përpara ekraneve.
/TV Arbëria
