Të fundit:

Haziri për qeverisjen e VV-së në Gjilan: Mirësevini në Komunën e Skandaleve

Nënkryetari i LDK-së, Lutfi Haziri, vazhdon me kritika ndaj...

“Të kemi rrëzu prej provimit”, “Je sharlatan”, shpërthen zënka mes Ramabajës e Zekës

Dy analistët e rregullt televiziv kanë pasur një duel...

Situata në veri mund të përkeqësohet, thotë shefi i EULEX-it

Çështja e sigurisë në veriun e Kosovës po përmendet...
ISP BroadcastISP Broadcast

Kurti mes ‘zjarrit të aleatëve’: Lëshoje ‘bajrakun’ ose përballu me ‘sanksione të reja’

Extra AL PVC

Rregullorja e re e BQK-së ka hyrë në fuqi nga 1 shkurti, e cila parasheh se valutë të vetme në Kosovë lejon vetëm euron, duke ndaluar kështu përdorimin e dinarit serb. Por një gjë e tillë ka shkaktuar pakënaqësi të madhe te bashkësia ndërkombëtare ku reagimet e tyre kanë qenë të shpejta dhe madje ‘kërcënuese’ nga vendet e QUINT-it të cilat përmes një deklarate të lëshuar kërkuan shtyrjen e zbatimit të kësaj rregulloreje, derisa nga Brukseli u kërkua që kjo çështje të flitet në Bruksel, kurse DASH u shpreh i zhgënjyer me Kosovën për zbatimin e këtij vendimi.

LEXO EDHE: 

Ambasadorët e QUINT-it ‘zbarkojnë’ në zyrën e Kurtit, presion i madh për vendimin e dinarit

 

Ambasadat e SHBA-ve, Francës, Gjermanisë, Italisë dhe Mbretërisë janë mobilizuar duke ngritur shqetësimin e tyre të jashtëzakonshëm për ndikimin e rregullores së re në veçanti në shkolla dhe spitale, derisa kanë theksuar se kjo çështje duhet të diskutohet më tej në kuadër të dialogut.

Përderisa nga Bashkimi Evropian u shprehën të shqetësuar për pasojat që ky vendim mund të ketë në jetën e përditshme të serbëve të Kosovës dhe komuniteteve të tjera në mbarë Kosovën për shkak të mungesës së ‘konsultimeve të mëhershme’.

“BE-ja vëren se rregullorja do të ndikojë edhe në mbështetjen financiare që serbët e Kosovës marrin nga Serbia. BE-ja është e shqetësuar për pasojat që ky vendim mund të ketë në jetën e përditshme të serbëve të Kosovës dhe komuniteteve të tjera në mbarë Kosovën për shkak të mungesës së konsultimeve paraprake, veçanërisht për ndikimin e tij në shkolla dhe spitale, duke pasur parasysh mungesën e dukshme të alternativave në këtë moment. Periudha e shkurtër e tranzicionit për zbatimin e rregullores, e kombinuar me mungesën e informacionit dhe zgjidhjeve praktike për të gjitha komunitetet e prekura, rrezikojnë të ndërlikojnë seriozisht jetën e tyre”, u tha në deklaratën e BE-së, ditë më parë.

LEXO EDHE:

Sërish reagon Stano: Operacionet e policisë dhe rregullorja e BQK-së hapa shqetësues

Kurse Departamenti Amerikan i Shtetit tha se është thellësisht i zhgënjyer me planet aktuale të Kosovës për të vazhduar me zbatimin e vendimit për kufizimin e importit të valutave të huaja, përfshirë dinarin serb.

“Ne bëjmë thirrje sërish që zbatimi i këtij vendimi të shtyhet menjëherë derisa të vendosen procedura të kënaqshme në përputhje me standardet evropiane dhe popullata të jetë edukuar mjaftueshëm se si do të vazhdojë periudha kalimtare. Vendimi u shpall pa përgatitje apo konsultim adekuat”, u tha në një përgjigje të DASH për Zërin e Amerikës.

DASH kërkoi nga autoritetet në Kosovë të shpjegojnë se çfarë problemi urgjent synon të zgjidhë kjo rregullore dhe nëse nevojitet urgjenca.

LEXO EDHE: 

Shqetësimet e SHBA dhe BE për ndalimin e dinarit, BQK del me 20 sqarime për Rregulloren e re

E pas këtyre kërkesave dhe kritikave të shumta, kryeministri, Albin Kurti ka mbledhur dje në Qeveri të gjithë ambasadorët e akredituar në Kosovës, e ku në fokus ishte rregullorja e re e BQK-së.

Më i zëshmi ndaj Kurtit ishte ambasadori amerikan, Jeff Hovenier, i cili edhe të enjten e kaluar zhvilloi një takim me Kurtin për çështjen e dinarit, duke qënë i prerë në qëndrimin e ShBA-së për shtyrjen e vendimit.

Madje, Hovenier ka theksuar se lidhur me këtë vendim do të lërë Qeverinë të flas.

Ambasadori amerikan tha se shpreson që Qeveria e Kosovës të jetë partnere me ShBA-në, pasi në të kundërten do të ketë ndikim në kualitetin e partneritetit me ta.

LEXO EDHE:  

Hovenier pas takimit me Kurtin, insiston në shtyrjen e zbatimit për dinarin, paralajmëron ‘sanksione’

E pas takimit me ambasadorët e akredituar, Kurti tha se rregullorja e re nuk ka cak ndalimin e dinarit.

“Kryeministri tha se as situata në terren e as përmbajtja e rregullores nuk është ashtu si portretizohet nga Serbia. Rreth 40 mijë qytetarё serbё në Kosovë kanë llogari bankare në njërën nga bankat e licencuara në Kosovë. Përmes tyre ata pranojnë pensione, mbështetje sociale, paga mujore, shtesa për fëmijë e lehona, e shtesa tё tjera të njëhershme nga thesari i shtetit të Kosovës”, u tha në njoftimin e ZKM-së.

LEXO EDHE: 

Zhurma për dinarin serb, Kurti ua sqaron diplomatëve të huaj në Kosovë, esencën e rregullores së BQK-së

Derisa kryeministri Kurti lidhur me vendimin për dinarin dhe strukturat paralele iu ka dorëzuar disa dokumente ambasadorëve të QUINT-it.

LEXO EDHE:

‘Dinari dhe strukturat ilegale serbe’, ja dokumentet që Kurti ua dorëzoi ambasadorëve të QUINT-it

E lidhur me këtë foli dje edhe presidentja, Vjosa Osmani e cila mes tjerash tha se rregullorja e BQK-së nuk e përmend dhe nuk është kundër dinarit, ka të bëjë me parandalimin e spastrimit të parave.

Kurse Guvernatori i Bankës Qendrore të Kosovës, Ahmet Ismaili, ka dhënë detaje rreth Rregullores së re të BQK-së për operacionet me paratë e gatshme, e cila hyri në fuqi nga data 1 shkurt 2024.

Sipas Rregullores, valuta e vetme e lejuar për kryerjen e pagesave në Kosovë është euro.

Ismaili tha se mosveprimi për këtë çështje do të ishte përgjegjësi më e madhe sesa veprimi.

LEXO EDHE: 

Vendimi për dinarin, guvernatori: Kjo është luftë kundër pastrimit të parasë dhe terrorizmit

E lidhur me këtë ‘heroizëm’ të Kurtit karrshi ndërkombëtareve ka reaguar edhe ish-kryenegociatorja e dialogut, Edita Tahiri.

Ajo për TV Arbëria ka qenë e shkurtër, duke theksuar se shtyerja e një vendimi nuk është shkelje e kushtetutës por mbrojtje, mirëpo moskoordinimi me Amerikën është shkelje e aleancës se shenjtë.

Por se si do të veprojë kryeministri tani e tutje dhe a do ta lëshojë ‘bajrakun’ duke e shtyer vendimin për dinarin serb mbetet të shihet në ditët e ardhshme, megjithatë presioni është i madh, dhe si i tillë ky vjen nga shtetet aleate që e mbështetin fuqishëm Kosovën në rrugëtimin e saj integrues.

Prandaj Kurti dhe Qeveria e vendit kanë mbetur mes dy zgjidhjeve, që e para do të jetë jetike për të ardhmen e vendit që ka të bëjë me shtyrjen e vendimit për rregulloren e BQK-së dhe në këtë formë edhe zhbllokohet vazhdimi i dialogut, derisa zgjidhja e dytë nëse vazhdohet me këtë avaz, mund të shtohen sanksionet nga BE sikurse edhe të fuqizohen ato nga SHBA. /TV Arbëria

spot_img

Të fundit

Haziri për qeverisjen e VV-së në Gjilan: Mirësevini në Komunën e Skandaleve

Nënkryetari i LDK-së, Lutfi Haziri, vazhdon me kritika ndaj...

“Të kemi rrëzu prej provimit”, “Je sharlatan”, shpërthen zënka mes Ramabajës e Zekës

Dy analistët e rregullt televiziv kanë pasur një duel...

Situata në veri mund të përkeqësohet, thotë shefi i EULEX-it

Çështja e sigurisë në veriun e Kosovës po përmendet...

Hoxha deputetëve të PDK-së: Pse merreni me Kurtin kur s’keni kapacitet në vendimet e tij

Analisti politik, Ylli Hoxha, iu drejtua deputetëve të Partisë...

Haziri për qeverisjen e VV-së në Gjilan: Mirësevini në Komunën e Skandaleve

Nënkryetari i LDK-së, Lutfi Haziri, vazhdon me kritika ndaj qeverisjes komunale në Gjilan nga Lëvizja Vetëvendosje. Ai thotë se për tri vjet qeverisje nga ana...

“Të kemi rrëzu prej provimit”, “Je sharlatan”, shpërthen zënka mes Ramabajës e Zekës

Dy analistët e rregullt televiziv kanë pasur një duel sot paradite. Zënka e tyre ka pasur të bëjë me përgatitjen akademike. Ndonëse zënkë simpatike, kjo...

Situata në veri mund të përkeqësohet, thotë shefi i EULEX-it

Çështja e sigurisë në veriun e Kosovës po përmendet gjithmonë e më shpesh pas sulmit të armatosur në Banjskë, dhe mes paralajmërimeve të autoriteteve...