Nënkryetarja e Partisë Demokratike të Kosovës (PDK), Vlora Çitaku ka përkujtuar 24 vjetorin e masakrës në Studime të Vushtrrisë.
Përmes një postimi Çitaku ka thënë se fshati Studime është “dhimbja jonë e madhe”.
Të martën e 2 majit janë bërë 24 vjet që kur forcat kriminale serbe vranë shqiptarë të pafajshëm në Studime të Vushtrrisë.
Masakra e Studimes është një ndër masakrat më të mëdha ndaj civilëve shqiptarë.
Në dy majin e vitit 1999, paramilitarët serbë vranë 116 shqiptarë të pambrojtur, ndër ta edhe shumë fëmijë e gra, përfshirë këtu edhe një nënë shtatzënë.
Brenda dy orëve ishin pushkatuar nga paramilitarët serbë 116 persona civilë që ishin në kolonë për t’u shpërngulur në drejtim të Shqipërisë.
Masakra në Studime të Vushtrrisë nga krerët e institucioneve të Kosovës është quajtur ndër masakrat më të tmerrshme ndaj shqiptarëve gjatë luftës së fundit.
/TV Arbëria
